水鴨朱椰子雞 (已結業)

好多亲朋好友都叫我去呢间位于大角咀嘅餐厅食椰子鸡煲，仲话好好味㖞。不过我从来都唔信佢地把口，始终我对食系比较有要求!大大个招牌写住椰子鸡，咁嘅系话呢碟𩠌系嚟到店必食㗎啦~睇落间店虽然唔算大，但系都迫咗好多人响入面，可想而知佢应该几受欢迎食椰子鸡前就食个小菜睇吓厨师功力先！西柠汁酸酸地咁，同啲鸡一齐食真系几胃㗎，啲鸡几嫩滑，一口嘅大小食落都好方便，用来跟白饭食定会好食到爆炸！之后系主角椰子鸡锅啦！椰子水嘅汤底仲加咗椰子肉同竹笋，真系好椰子呀！鸡系正宗海南文昌鸡，有半只，佢嘅肉都好嫩滑㗎食到咁上下，仲叫左鲜虾丸一齐滚来食，粒虾丸入面真有一粒粒嘅虾肉，食起上嚟好弹牙，份量都几多同仲叫左牛柏叶，口感爽脆，又可以吸晒汤底既味道，好味~~~~当然都要叫埋个会爆吸味既薯粉，可能系我煮得太好关系好弹牙，而且晶莹剔透，份量多，加上会吸咗啲椰子汤底，所以食落都几饱肚。