Mango Tree Café (已結業)

元朗呢个地方真系有超多不同种类嘅餐厅，所以有时都会同朋友入去扫街，试吓不同嘅最新食物。今次同朋友扫完街之后见到呢间Mango Tree Cafe周年志庆，推出咗唔少泰式美食一于就试吓啦。餐厅装修亦都好别致，好适合一家大细、朋友饭聚，包场做派对亦都系一个唔错选择。餐牌内有多款新派泰菜选择，而且价位都唔算高，特别一周年志庆，推出咗唔少泰式美食。软壳蟹沙律沙律味道酸酸甜甜，相当醒胃，配上软壳蟹真系一个唔错嘅头盘选择。而最紧要软壳蟹差唔多有成只碟咁大，真系好抵食呀。五味脆皮鸡推介菜式，首先卖相真系一流，烧鸡表面烧得相当香脆睇见都流哂口水。而咬落去真系返唔到转头，因为嫩滑嘅鸡肉配上香脆嘅鸡皮真系一绝。冬荫公猪手猪手份量都几多，上枱时已预先将肉拆好，令食时更加方便，味道方面表皮相当脆身香口，内里则松软美味。青柠辣辣蒸红鲔大大条红鲔于冬荫公汤中，如果钟意冬荫公嘅朋友一定钟意，而鱼肉嫩滑配埋冬荫公一齐食好开胃。泰式炒芥兰食到尾声当然唔少得就系食返啲菜啦，呢个芥兰都好香口唔错啦。泰式甜品拼盘呢个拼盘可以一次过食到唔同种类嘅甜品真系啱哂我呢个咁贪心嘅人，特别芒果真系好甜，配埋糯米饭一齐食真系唔错。