影片
更多
2022-06-27
49 浏览
早排去咗尖沙咀人和月鸡煲火锅店试咗最新推出嘅酥皮芝士麻辣鸡煲，食完再拣汤底打边炉放题，真系大满足呀！ ~酥皮芝士麻辣鸡煲 【升级+$58 2人份量】鸡件够嫩滑，好入味，2人份量大概有半只鸡左右，鸡煲配料亦好足，紫洋葱好甜呀！麻辣度可以拣，点咗小辣，唔知系咪因为有芝士，所以中和咗辣度，而不得不说系沾咗麻辣汁嘅酥皮，出乎意料咁夹，比想像中好食。 ～野菌冬瓜汤火锅汤底有8款，全部都好吸引。呢个野菌冬瓜汤底劲足料，一大旧冬瓜肉配上海量杂菌，汤底几清甜。 今次拣咗每位$298 套餐A，套餐包咗4款美国牛肉如牛板腱、牛胸爽等都可以任食，而另一款美国牛下肩只会上一次，个人比较喜欢牛板腱，几嫩同肉味够，另外餐厅好细心，上牛肉时会有牌仔表示部位，一目了然！ 其他火锅配料可以系QR code落单或者餐厅自助区选取。丸类都几特别，有芋泥包心贡丸同马蹄黑椒贡丸，而蔬菜杂菌都大路，有10款左右。墨鱼滑味道唔错，整体食材几新鲜。 饮品方面款式算多，有樽装汽水及自家制特饮，洛神花蜜几好饮。甜品区亦好有特色，有豆腐花、芋圆、渣咋等，豆腐花味道唔错，豆味几浓，真系食到好饱呀！ 整体用餐体验唔错，餐厅够光猛，同时几新净企
~酥皮芝士麻辣鸡煲 【升级+$58 2人份量】
鸡件够嫩滑，好入味，2人份量大概有半只鸡左右，鸡煲配料亦好足，紫洋葱好甜呀！麻辣度可以拣，点咗小辣，唔知系咪因为有芝士，所以中和咗辣度，而不得不说系沾咗麻辣汁嘅酥皮，出乎意料咁夹，比想像中好食。
～野菌冬瓜汤火锅
汤底有8款，全部都好吸引。呢个野菌冬瓜汤底劲足料，一大旧冬瓜肉配上海量杂菌，汤底几清甜。
今次拣咗每位$298 套餐A，套餐包咗4款美国牛肉如牛板腱、牛胸爽等都可以任食，而另一款美国牛下肩只会上一次，个人比较喜欢牛板腱，几嫩同肉味够，另外餐厅好细心，上牛肉时会有牌仔表示部位，一目了然！
其他火锅配料可以系QR code落单或者餐厅自助区选取。
丸类都几特别，有芋泥包心贡丸同马蹄黑椒贡丸，而蔬菜杂菌都大路，有10款左右。墨鱼滑味道唔错，整体食材几新鲜。
饮品方面款式算多，有樽装汽水及自家制特饮，洛神花蜜几好饮。甜品区亦好有特色，有豆腐花、芋圆、渣咋等，豆腐花味道唔错，豆味几浓，真系食到好饱呀！
整体用餐体验唔错，餐厅够光猛，同时几新净企理，坐得几舒服，而且店员非常亲切，又会主动讲解菜式，服务好好非常加分呀。
张贴
