DAMUN韓國料理 (已結業)

公司聚餐，老细请客，有同事介绍呢话嘢食好味，酒款又多，仲可以book间vip房，啱晒我地。打开个menu，里面有好多特别菜式，相片亦十分吸引！未人齐，叫住几个头盘食住等，嚟到一定要试下一些平时食唔到嘅特别菜式，好似呢个宫廷菜 — 九析板，用中间萝卜片包住周边8款馅料，有菜有肉，睇得出厨师用了好多手工去准备，一啖食落口十分清甜可口，口感好特别，有爽脆的蔬菜，亦有多汁软身的冬菇和牛肉等。另外叫了几款沙律，蕃茄泡菜沙律、芝麻酱海带沙律，同埋辣鱿鱼沙律，款款都各有特色，甜的、多汁的、清新的、辣辣地的，大家食完都好开胃，可以迎接以下的酒菜。主菜当然唔少得招牌菜酱蟹，酱虾同酱鲍鱼，同事们食得津津有味，海鲜好新鲜，酱油咸甜道亦十分恰当，值得推介！烤牛肋骨同泡菜炆五花腩亦非常美味，牛肋骨系全熟但一点也不dry，酱汁加肉汁惹味非常！个泡菜炆五花腩定必炆得好足时间，好腍好入味，少少辣，五花腩有少少肥的夹住，咬落更有层次。咁开心一定要开酒轻松下，第一枝叫了这星期新返的米酒，Label有中文字写住「生酒」，听讲系2016韩国总统府宴客酒，饮落好醇好rich，味道清甜好易入口。之后仲叫了一枝有机米酒、一枝好清新