沐白小農 (已結業)

同几个朋友啱啱去完荃湾Namco夹公仔，夹咗$300......银包痛痛！喺果头行下行下唔觉唔觉到咗夜晚啦㖞，谂住买啲嘢饮下啦。点知就见到呢间沐白小农啦！未见过㖞…喺港岛区都唔觉有，大部分都系贡茶果啲。冇所谓啦！试下多啲新嘢都好。睇落好似推广紧唔少款式嘅饮品㖞，有个叫沐白告白日嘅好似几有趣㖞，不过我冇情人…算了。我啲frd叫咗沐白黑糖波霸鲜奶，佢系好钟意饮珍珠奶茶的，去today买嘢饮佢都一定要另外再加珍珠……听佢讲呢杯唔会太甜，觉得啱啱好，而且仲系落黑糖叫做系健康啲咁啦。另外个frd就饮大甲芋头鲜奶，佢话呢个系新产品，想试下好唔好饮。冲出嚟都几得意，一层鲜奶一层芋头泥，一层白一层紫咁。芋头香味系足够嘅，不过要搅匀杯嘢先。我就叫咗杯红豆红茶拿铁。开头饮落感觉有啲似饮紧红豆冰，可能因为红豆味都几浓，而且我未搅匀。慢慢饮下红茶嘅苦涩味都开始出嚟啦，又咁啱比红豆啲甜味盖过咗唔少，所以整体杯嘢唔会难落口。