潮龍園

营业中

休息中

星期六日周围都多人，啲餐厅全部都劲爆棚，想揾间餐厅坐吓都难😅 我行匀成个荃湾市中心，都揾唔到餐厅，打算搭车走算啦⋯⋯ 但我又非常肚饿，唔死心，系都要行到条街最笃笃！见到呢间鱼蛋粉餐厅门口啲人排晒长龙，以为又无得食啦⋯⋯点知原来啲人系买紧生嘅手打鱼蛋外卖返屋企！掂！原来入面有位坐，我即刻拿拿声返入去坐低！😍🔸五香牛杂 $34牛杂五香味好重，而且每个部位都好爽，唔系鞋飒飒，好好食！😆🤎🙌🏻😋🔸净自制鱼蛋 $30呢度嘅自制鱼蛋，全部都系由自家嘅工场去制作，所以非常有口感！不过我觉得除咗口感有唔同之外，味道上面同普通鱼蛋唔算分别好大。🔸凤城水饺 $30🥟水饺皮好薄，入面包住左好足料嘅馅料！鲜虾嘅虾肉好爽弹，咬落去完全系脆卜卜，鲜味十足！我最钟意入面嘅木耳丝！🥰🔸腐乳通菜 $12通菜份量几多，大部分都好青嫩，不过有几条菜颜色就偏墨绿色，腐乳酱都有好多，钟意食腐乳酱同菜嘅人值得一试！🔸萝卜 $12啲萝卜整得非常入味，不过有啲萝卜有渣，麻麻地🙈🙈🥲