八幡屋涮涮鍋

营业中

休息中

今晚我同朋友终于完成咗嘅工作，心血来潮想食火锅。就上社交平台揾咗吓，发现有好多人赞好「八幡屋涮涮锅」喺旺角，决定行过去试吓。呢间餐厅位于地铁站旁边，非常方便。一入到店，先款待我哋嘅就系质素一流嘅刺身拼盘:三文鱼、带子，甜虾、希灵鱼、螺肉、八爪鱼同鲍片。 基本上呢一度所有嘅刺身都非常之新鲜，本身我自己其实好少何佩喺火锅店食刺身，因为硬系觉得唔系特别新鲜，所以有啲担心，但系呢一间餐厅完全打消咗呢个念头，原来任食火锅店嘅刺身都可以好好食同埋好新鲜嘅!!主打火锅系列，我哋嗌咗晚餐嘅240分钟「D4套餐火锅之盛宴」。汤底选咗麻辣汤，真系过瘾。除此之外，佢哋嘅日本A4黑毛和牛肉质绝佳。鲜嫩之极。 钟意食牛肉嘅呢一个绝对系非常之推。!! 绝对系回本嘅好选择，可以无限咁食牛肉真系好爽，我记得之前喺日本食都冇得咁夸张，呢一碟牛肉如果系自己买返屋企食嘅话都唔平，呢一间餐厅竟然可以做到任食，真系食到够晒皮!!而且唔止如此，呢度仲有新鲜嘅龙虾供拣。佢嘅龙虾真系钟意到爆！ 仲有唔同嘅酱汁可以点，如果钟意食龙虾嘅，都可以专诚过嚟试吓，一定唔会失望!而且，「八幡屋涮涮锅」嘅品质之好，价钱又公道，实在值得推荐俾朋友。