影片
更多
2010-11-22
9月17日, 未开业前见到佢呢个咁日本风嘅招牌已经好期待~ 然后得悉佢系以日式咖哩饭做主打更加心郁郁想试! 无奈佢开业无耐已经登上openrice top 10… 从此不论午、晚市门口都堆满人龙, 无半粒钟以上都唔洗旨意入座… 如是者今晚终于的起心肝抱住饿到凹嘅肚, 等咗成45分钟, 终于试到啦~!!::: 鲜菇忌廉奄列咖喱饭 +餐汤 +迷你沙律 + 雪糕 + 冻柠茶 ::: $60 + $25主食加 $25 就可以配晒4款side orders~是日餐汤系洋葱汤, 好似中式汤咁, 有dd洋葱粒喺入面, 十足十公仔面d味精汤喇… 不喝也罢… 迷你沙律都真系几迷你, 但都有菜呀青瓜呀蕃茄同粟米粒咁~ d菜唔算好新鲜, 但捞埋芝麻沙律酱一齐食就味道都ok.鲜菇忌廉奄列咖喱饭净系个碟已经好大, 搞到碟野好似好多咁… 令个蛋包饭成个火山爆发咁嘅外型更加澎湃! 好多咖喱汁, 质地系稀稀地𠮶只, 但唔好以为稀就等如淡wor, d咖喱味都几劲, 有少少辣, 而且系好日本风味嘅~ 块蛋皮都几大块, 而且够嫩, 仲有少少蛋汁~ 捞埋咖哩一齐食真系无得弹! 成个饭嘅精粹灵魂一定系d忌廉菇!! 估唔到忌廉加
::: 鲜菇忌廉奄列咖喱饭 +餐汤 +迷你沙律 + 雪糕 + 冻柠茶 ::: $60 + $25
主食加 $25 就可以配晒4款side orders~
是日餐汤系洋葱汤, 好似中式汤咁, 有dd洋葱粒喺入面, 十足十公仔面d味精汤喇… 不喝也罢…
迷你沙律都真系几迷你, 但都有菜呀青瓜呀蕃茄同粟米粒咁~ d菜唔算好新鲜, 但捞埋芝麻沙律酱一齐食就味道都ok.
鲜菇忌廉奄列咖喱饭净系个碟已经好大, 搞到碟野好似好多咁… 令个蛋包饭成个火山爆发咁嘅外型更加澎湃! 好多咖喱汁, 质地系稀稀地𠮶只, 但唔好以为稀就等如淡wor, d咖喱味都几劲, 有少少辣, 而且系好日本风味嘅~ 块蛋皮都几大块, 而且够嫩, 仲有少少蛋汁~ 捞埋咖哩一齐食真系无得弹! 成个饭嘅精粹灵魂一定系d忌廉菇!! 估唔到忌廉加咖哩系可以咁好味~!! d鲜菇又正好为d软淋淋嘅咖喱饭带来爽口质感~ 好食到停唔到口!!
雪糕系曲奇同士多啤梨味~ ok wor 有士多啤梨粒添~
冻柠茶茶味够浓~ ok啦~
::: 焗鸡肉咖哩饭 ::: $70
焗咖哩鸡肉饭真系好细兜! 起码少蛋包饭1/3!! 个饭面加咗块芝士, 又真系焗得几香… 呢个咖哩色虽然白d… 但食落系比蛋包饭只咖喱辣架wor! D鸡肉份量就唔算多, 偶然食到一两粒咁, 其实有少少似罐头汤d鸡粒… 但味道系唔错嘅~ 总括黎讲焗饭比较惹味, 但真系太细兜喇, 连女仔食完都应该唔会饱!
其实佢d材料味道都系唔算好一番… 但重点系佢d咖哩汁真系好好味! 另外再一提摆喺枱上任添嘅配菜, 好似萝卜咁但系有少少酸, 仲几爽添! 加落咖哩饭度好好食, 我地食咗大半兜~ 咁嘅价钱食咖哩饭其实真系贵! 但贵得黎又真系觉得佢好食… 真矛盾! 会再返黎食嘅~ 不过就未必会加钱转set喇!
张贴
