影片
更多
2021-06-21
134 浏览
身为一个元朗人，已经留意左依间台式餐厅一段日子，适逢周末放工后终于约到朋友食个late lunch，一于一齐试下新野！当日三点几嚟到门口都有人等紧位，睇黎系有啲料到🤣🤣 即刻睇睇餐牌先，简单两页餐牌都包括左好多类型既食物 有台式主食、小食、招牌菜芋泥吐司同甜品～话晒人哋舖头名都叫做罗东肉焿番，咁肉焿一定系必试啦！我哋叫咗1号餐有埋鲁肉饭～另外芋泥吐司都系呢间店嘅招牌菜，所以都叫咗一份分享食，最后再加多一个小食同一个综合芋圆做甜品🍮😋芋泥紫薯吐司一上菜真系哇咗一声😱 芋泥加埋紫薯蓉多到好似就嚟迫爆个吐司，比我哋想像中嘅足料好多！两个心急一影完相就即刻试食，咬落去果下啲芋泥多到喺两边吱出嚟🤣🤣🤣🤣 好澎湃！朋友本身以为淀粉质夹住淀粉质一定会好干，但因为个芋泥做得好滑好绵，所以其实唔会有干嘅感觉～仲食得出芋头嘅香味😋😋 虽然呢个吐司好饱肚，但我觉得系必点嘅item，推！未食晒个吐司，热食已经上菜啦～成个餐仲有杯冬瓜茶（或者拣无糖茶都得）卤肉饭系台湾味，个鲁肉入边加咗啲豆卜丝好索汁，捞饭一流！仲有我至爱嘅糖心蛋 ❤️肉焿汤系另一个我非常推介嘅食品，点菜嘅时候待应都有好细心咁问我哋要唔要走芫荽走辣
即刻睇睇餐牌先，简单两页餐牌都包括左好多类型既食物 有台式主食、小食、招牌菜芋泥吐司同甜品～
话晒人哋舖头名都叫做罗东肉焿番，咁肉焿一定系必试啦！我哋叫咗1号餐有埋鲁肉饭～另外芋泥吐司都系呢间店嘅招牌菜，所以都叫咗一份分享食，最后再加多一个小食同一个综合芋圆做甜品🍮😋
芋泥紫薯吐司一上菜真系哇咗一声😱 芋泥加埋紫薯蓉多到好似就嚟迫爆个吐司，比我哋想像中嘅足料好多！两个心急一影完相就即刻试食，咬落去果下啲芋泥多到喺两边吱出嚟🤣🤣🤣🤣 好澎湃！朋友本身以为淀粉质夹住淀粉质一定会好干，但因为个芋泥做得好滑好绵，所以其实唔会有干嘅感觉～仲食得出芋头嘅香味😋😋 虽然呢个吐司好饱肚，但我觉得系必点嘅item，推！
芋泥紫薯吐司
3 浏览
0 赞好
0 留言
未食晒个吐司，热食已经上菜啦～成个餐仲有杯冬瓜茶（或者拣无糖茶都得）卤肉饭系台湾味，个鲁肉入边加咗啲豆卜丝好索汁，捞饭一流！仲有我至爱嘅糖心蛋 ❤️
鲁肉饭
6 浏览
0 赞好
0 留言
肉焿汤系另一个我非常推介嘅食品，点菜嘅时候待应都有好细心咁问我哋要唔要走芫荽走辣，但我同朋友都想试原味所以乜都冇走。肉焿汤个质感系台式面线𠮶种汤底，比较杰身嘅，入边除咗有芫荽同台式辣椒酱，仲有种蒜香同醋香味。不得不提就系𠮶旧肉，我同朋友每人食咗三四旧 😲 我哋喺度研究到底佢系一旧猪肉，定系将猪肉打碎左再重新做型🧐 有肉既香味，口感又好扎实，但又唔似系成旧猪肉咁单调🧐 后来睇到餐厅有介绍，原来系用猪肉捞左鱼浆做成嘅，第一次食觉得几啱口味，难怪系招牌菜😋
肉焿汤
11 浏览
0 赞好
0 留言
小食方面我哋贪心地拣咗盐酥拼盘，可以一次过食到几款台式小食，盐酥鸡、甜不辣、四季豆同香芋海鲜饼，比较特别嘅系香芋饼，之前冇喺其他地方见过呢 🤪 炸左之后系外面脆 入边就系粉粉地嘅口感😌😌
其实食到呢度我哋已经好饱啦，但头先眼阔肚窄叫多咗个甜品😂唯有顶硬上啦，仲要又系淀粉质添😂😂 综合芋圆上面又系舖头嘅招牌芋泥，仙草底层配上几款常见嘅台式配料（红豆、黑白珍珠、晶冻、小丸子）有烟韧又有爽口嘅口感，大满足！😚
9 浏览
0 赞好
0 留言
总括而言，成餐我最欣赏嘅系个肉焿汤，之后觉得芋泥吐司都系必试既，我自己都好想返嚟试埋肉松芋泥同Oreo芋泥嘅味道呢～！
张贴
