全日點喫茶店 (已結業)

朋友介绍我去食既可爱料理餐厅，睇相初初觉得似系啲得个靓字但好难食既野，事实上系真系好靓，味道介唔算太差。叫左个熊仔二人餐，首先上个薯仔红萝卜汤汤真系好真材实料同好饮，唔系味精，系住家汤，值得一赞。主菜系咖哩饭，配蛋同鸡翼。问题黎啦，个咖哩汁又系得薯仔同红萝卜。所以送白饭既咖哩又系淀粉质既薯仔同红萝卜。配菜又系淀粉质既可乐饼同薯蓉。甜品亦都系淀粉既pancakes，仲有一粒芒果味既雪糕糯米糍。全餐既非淀粉食物就系个5只整得好普通既鸡翼，垫底既生菜，1粒比波子大少少既小红茄，同一条手指尾咁大既肠。虽然系好淀粉，但整体都做得唔太颓，冇味精。服务就一般啦，主菜同甜品隔好耐，应该有成个钟，中间waitor 唔识收野，上甜品先发现一枱都系碟好「呢hea」， 楼上cafe冇management 系咁架啦 。 两位连野饮同加一一共326。食物质素黎讲，真系唔抵，但靓，视觉享受餐。