大將 (已結業)

食火锅打边炉放题，最紧要系尽兴！想尽兴就梗系要有高质嘅牛肉、食物选择多、较长嘅时限、舒适嘅座位等等，咁就可以同成班朋友慢慢叹！位于旺角嘅大将除咗能够满足以上嘅条件之外，更可以一人一锅，大家都可以拣自己钟意嘅汤底，食尽两个钟！汤底免费嘅汤底选择有五款，其中包括人气极高嘅花生沙嗲汤底。沙嗲汤非常香浓，汤底浓稠，令食材更挂汤更惹味！头盘落咗order之后，店员就会送上包括鲍鱼同生蚝嘅头盘。牛肉今次拣咗澳洲和牛牛小排及严选和牛胸腹眼放题套餐，呢个套餐嘅牛肉选择多达十一款，除咗澳洲和牛牛小排同和牛胸腹眼之外，仲有严选Prime牛肩肉、安格斯牛小排、美国牛肩肉、美国牛板腱、一口牛肉粒、滑牛肉、麻烦滑牛肉、牛胸爽同牛柏叶。澳洲和牛牛小排当然系焦点，肥瘦度适中，肉味香浓，值得一再encore！肉类选择除咗牛肉之外，仲有熊本猪梅花肉、严选伊利比亚五花肉、特选羊卷肉、昆布渍鸡肉、即炸午餐肉。海鲜食咗咁多肉，一于食啲海鲜调剂吓，减少肉类嘅油腻。海鲜选择包括日本带子、沙白、海虾、杭州墨鱼片、大蟹棒、水鱿鱼、虾滑、花胶、青口。自取区喺自取区嘅选择除咗蔬菜类，仲有丸类、乌冬等多款食材。熟食区除咗打边炉嘅食材之外，