畢打奧餐廳

营业中

休息中

之前见到历史悠久嘅上水毕打奥餐厅一直都未有机会试，而家喺粉岭联和墟开多一间，周边资料唔讲太多，直入正题。 🌕🌕🌕🌕🌑餐汤：酥皮龙虾汤🦞一般都系罗宋汤或者忌廉汤，但系可以加钱升级做酥皮龙虾汤，咁当然要试下。酥皮好香，唔会太油腻。龙虾汤嘅浓度嘅都恰到好处，鲜味十足。 🌕🌕🌕🌕🌕餐包🥖平时好少开一行写餐包，但系呢个餐包唔简单。面包方面我唔系太熟，不过个包黎到嘅时候就暖暖地，系黑芝麻面包，详细就睇下有无其他高手写食评讲解下啦。 🌕🌕🌕🌕🌕澳洲龙虾芝米多🦞其实睇相𠮶阵以为系一般嘅原只焗龙虾，原来唔系咁简单。新鲜游水龙虾就基本啦，用干邑、忌廉、牛油煮一煮再加芝士焗。食嘅时候只需要轻松用叉或者匙羮大啖大啖送入口。 🌕🌕🌕🌕🌑美国肉眼扒🥩肉眼扒配薯菜都算系其中一种港式西餐经典配搭。肉眼扒外层有适量嘅焦香，切开肉质粉嫰，好味。 食物方面整体都唔错，唔可以话平，但系绝对抵食。不过用餐空间略嫌有少少逼，因为全部都大大碟几乎满碟上枱。 装修方面系怀旧英伦风，砖墙同霓虹灯嘅配搭，英式酒吧风味十足。