九記牛腩

营业中

休息中

一碗面嘅时间，听足几个是非，当住客人面嘲笑其他客人，你就知道e班老嘢唔系态度差咁简单，系人品问题。推荐人地食净腩，一睇个价钱即刻走，e句嘢个收银阿姐讲咗三次，前前后后嘅意思系话人食唔起唔识食，有个阿叔话而家大把地方有得食，佢就再讲埋大埔油麻地边间边间，难食到咩咁😒总之九记系牛腩嘅唯一标准，只有佢好食，无所谓口味嘅嘢，唔啱你就系你唔识食嘅果种骄傲，well 好嘅，人生有碗牛腩俾你骄傲下。熟客咪好态度啰，见我生面口又后生，个光头侍应企系台边全程望住我食！见我落醋，阴阳怪气话果枝醋黎㗎...鬼唔知系醋咩，我都唔想咖哩面落醋，你啲碱水味重到咖哩都冚唔住嗱晒鼻，逼我落醋，仲以为揾到位寸人。食物上公平讲佢，咖哩牛腩好似地拖咁烂溶溶，面碱水味太浓，提一下，今日湿度60几干燥晴天，无必要落重碱水。朋友碗清汤腩，佢好欣赏个汤，不停话好饮，牛腩淋得黎都成型无溶溶烂烂，不过面佢唔钟意，可惜无河粉。口味嘅嘢百人百味，对我来说，屋企长辈整嘅清汤腩都好好味，无嘢吸引我再去，除咗去观察班停留系80年代大富豪夜总会思维嘅伙计。