澳葡牛奶餐室

营业中

休息中

疫情都两年啦，真系好耐冇去过澳门啊，今次嚟到我澳萄餐室怀念下先。入到餐厅第一个感觉就系整洁同埋好光猛👍🏼坐得舒服，上菜都几快，主菜小食甜品都点齐哂😝咖喱牛坑腩饭咖喱香得来唔会太辣，味道比较温和，牛坑腩肉质嫩滑。吉列鱼柳蛋盖饭配照烧汁吉列鱼柳松脆，鱼柳够厚身，蛋够晒香滑，配埋照烧汁一齐食👍🏼瑞士鸡翼无法抗拒嘅瑞士鸡翼，皮爽肉嫩，够晒入味。香炸韭菜饺即炸外皮香脆，馅料够多，仲保留到肉汁添。正宗双皮奶双皮奶牛奶味好重，又香又滑，真系食唔停口。杏汁炖奶呢几日天气冻咗咁多食返个甜品滋润一下，我就比较偏爱杏汁嘅味道，入口顺滑，杏汁味道香浓。好想试埋葡挞㗎但真系已经好饱下次再嚟食过啦😃