澳葡牛奶餐室

营业中

休息中

一听到停晚市真系晴天霹雳，早啲放工冲去澳葡牛奶餐室，提早食返个晚餐先，唔使成日食外卖。澳葡喺深水埗来讲算系新颖，装修干净企理，价钱合理，卫生环境好，店员服务态度都好细心。金沙鸡翼 $ 26.00自助落单，先来鸡翼小食，金沙有口感，鸡翼皮脆肉多汁，一啲都唔 dry 好味道!香炸韭菜饺最近买股票成日做韭菜，一于食返个香炸韭菜饺，宣泄一下不满情绪。咬落去都好脆卜卜，好多韭菜。牛乳蛋盖饭系列吉列猪扒蛋盖饭配照烧汁 $58.00虽然牛乳蛋盖冇日本嘅咁好食，但系质素都唔差，好香好滑，味道浓郁。吉列猪扒 炸得好香脆，皮薄肉厚，加钱要埋荷包蛋，蛋汁特别香，饭配照烧汁，多汁捞饭啱晒。宇治金时鲜奶手工饮品，有惊喜，多奶少甜，味道适中。 葱油金沙炸鸡髀饭好期待多葱油，有广东烧味舖的水准，金沙炸鸡髀，特别香浓，惹味十足，好大只鸡髀，快食一流。美禄鲜奶水准稳阵，香港特色的好选择。热杏汁炖奶 $ 28.00估唔到最后仲可以食埋甜品添！热辣辣好滋润。冻正宗双皮奶 $ 26.00入口香滑，奶味浓郁，滋味无穷。葡挞 $ 24.00澳门地道甜品又点少得葡挞呢？打孖上，我钟意甜甜地，挞皮好松脆。