澳葡牛奶餐室 (已結業)

星期六同朋友去开深水埗买嘢，食埋晚饭先走，见到呢间茶餐厅几光猛干净，就入去试咗。呢间茶餐厅有一啲系澳门食物，比较有特色。巨人猪扒包$41- 真系巨大，块猪扒劲长又厚切，口感好好保持到肉汁，个包焗得好香，外脆内松软，上面嘅芝麻大大加分，里面夹咗生菜蕃茄👍🏻香炸韮菜饺$38- 韭菜饺炸得劲香脆，饺子皮系劲薄脆嘅𠮶一种，里面嘅韭菜馅Juicy惹味😋咖喱鱿鱼$45- 鱿鱼好大碟，几爽口，但系咖喱汁略嫌比较淡口，好彩加咗啲辣油，比较惹味。藓茄厚切牛脷焗饭$75- 呢个焗饭几有惊喜，鲜茄酱汁真材实料，食得出唔会系味精嘅味道，淡淡鲜茄香味。牛脷预先煮得好淋，唔会干硬，加上焗饭有一啲芝士，少少奶香，捞埋茄汁蛋炒饭好好食😍咖喱牛坑腩饭$65- 呢个就正常发挥，牛坑腩淋嘅，但系又未到好松软𠮶只，咖喱味正常，咖喱汁捞饭都系冇得输嘅。热姜汁撞奶$28呢个甜品好怀旧，姜汁撞奶传统简单嘅甜品已经好好味😋奶香加上姜汁嘅清香，食完好滋润嘅感觉。