微辣大排檔 (已結業)

疫情关系连澳门都去唔到，去呢度可以感受下久违嘅感觉。餐厅装修好有澳门feel，好有趣味，有麻雀枱、赌枱设计嘅枱，地铁站车厢嘅空间，好搞笑。Yelo 咖哩大杂烩，顾名思义，咩都有啲咁，有萝卜、猪皮、鱼蛋、鱿鱼等等。味道冇乜特别，略嫌唔够咖哩味，同埋有点油，但卖相有火点住咁几得意。冰镇素咕噜肉，食落完全唔似素肉，好食👍🏻。酸酸甜甜，好开胃，冰镇住夏天食几好，推介👏🏻👏🏻咪走鸡，个名几得意，有点火仪式，几有睇头😂。只鸡用荷叶包住，鸡肉超级滑+淋，好似唔洗咬都得咁😂。鸡入面有大量金针云耳，可以夹埋鸡肉一齐食。傍边嘅蒜头都几好食，好淋同埋唔辣。甜品叫左个雪糕格仔饼，味道冇乜惊喜。份量算多，2个人食好多，不过如果格仔饼脆啲会好啲。