小島•澳門菜 (已結業)

环境4分：简单西餐厅格局，葡式砖墙地砖好有澳门特色，蓝蓝白白咁望落去真系好似过咗大海，卡位又好坐，可以畀四分。卫生4分：水吧，雪柜，餐枱，四周围都好光鲜干净，都可以畀四分。服务5分：在餐厅外面，侍应已经好有心机地解释午餐有什么东西。楼面Ｄ侍应个个都好好礼貌，埋位即有水饮，又会推介招牌菜，落单上菜又够爽手，走前拜拜都笑住讲，畀硬五分。味道5分：1)      田园沙律入面呢Ｄ菜非常新鲜，有蕃茄同橄榄，Ｄ沙律汁又唔会太过多。2)      个忌廉蘑菇汤唔太漏，块蒜茸包又脆又厚又松，非常好味。3)      个十月初五虾籽松露意大利面个松露味好香，Ｄ面够弹，个酱好light。4)      个乳猪件伴特色炒饭先坚，果四件乳猪层皮脆到呢，唔识形容咁好，Ｄ肉又软又滑，好味，好味，好好味！个特色炒饭又香又润。5)      餐饮够冻，味道正常。抵食5分：去一转澳门船飞都要几旧水，食个五分乳猪炒饭午餐百几蚊，包左沙律或汤，同饮品，食到呢Ｄ乳猪嘅级数，除非系高级餐厅预先订又或者系贵到飞起，小岛绝对绝对抵食。