味道樂居酒屋 (河內道) (已結業)

今日放假就比男友拉左出黎话要去海港城睇新开既玩具店，点知原来唔系睇咁简单仲要买埋走。一早起身出黎咩都未食，买完玩具已经超级肚饿，一路行行到去河内道见到呢间味道乐居酒屋。男友又比里面日式玩具摆设吸引到入左去，餐厅以木系颜色做主题更突出日系感觉。由于餐厅刚刚开门，立即捉紧时机影下入面环境啦。窗边有超人机械人摆设。墙身更挂有日本特摄超人面具，可惜冇一个我系识。分别同男友点咗2个唔同既午市套餐。每份套餐都会跟一份 沙律、日式蒸蛋、味噌汤味噌汤 – 汤中有豆腐，而且味道不会太咸。沙律日式蒸蛋 – 值得一赞系日式蒸蛋蒸得几滑，而且食到底会有其他馅料，几好味!原条炭火烧鳗鱼饭鳗鱼真系好大条，个形状就好似一件巨型鳗鱼寿司咁，面上仲有切碎蛋条。烧汁味道刚刚好，鳗鱼肉厚身加上饭一齐入口，只可以讲超满足。北海道特上鱼生饭丼饭有多种不同剌身，分别有虾、海胆、三文鱼、鲷鱼等等。刺身摆满系醋饭上，份量几多，而且整体鱼生都几新鲜，味道鲜甜，虾就够哂大条又爽口。珍珠米饭够饱满，入口黏糯，醋味亦刚刚好，呢个价钱食到咁多鱼生系区内黎讲已经算系超值!餐厅食物质素高，特别系招牌午市鳗鱼饭! 果然尖沙咀都系我美食地带第一位。