Antoshimo Cafe & Bakery (Mikiki) (已結業)

是日weekend揸砵砵车黎到新蒲岗mikiki谂住拍下拖，因为我地两个未黎过呢个商场。哇weekend呢一带真系好恐怖好多车，完全揾唔到街位泊，于是都冇计要泊左入商场啦，点知都要排长龙等到饿都肚哂，于是就揾左商场既呢间日式连锁店坐低食晏喇望下餐牌都好似几ok，感觉唔热气仲有送甜品，抵食！同宝一人叫左一个锅物加乌冬先黎既系我呢个鱼加明太子乌冬。望落非常之咁清，食落都其实几浓味。个鱼柳锅d炸鱼柳出奇地好鲜嫩，但可以多返几旧。明太子乌冬就够哂多，岩哂我呢个大胃王。食落一d都唔觉得咸，岩岩好。个豆腐配菜都好好食，嫩滑够味宝个杂菜锅就够哂足料喇，岩哂平日好少食菜既佢。佢个黑咖哩乌冬我反而觉得d汁有d稀，可能黑咖哩我expect系要浓味d？食到好鬼饱，店员仲突然问我地甜品上得未，完全唔知有甜品送！对有第二个胃装甜品既宝当然好开心啦！甜品都好有冲绳特色，尤其下面果pat紫薯好好味，唔会太甜，冬甩又炸得岩岩好，雪糕配海盐焦糖更加系卖飞佛！整体都好抵食，60几蚊又有野饮又有甜品超值走时仲原来可拎泊车单，店员好好人！