定食8 (已結業)

每次经过都见到排队，星期日中午就怀住期待心情黎试试佢啦。首先个环境都几逼既，可能因为试面系熊猫酒店，好多讲普通话同乡音既人士黎食，我就咁岩同佢地搭枱。落单后职员拎张单黎，落少左2样野。叫左薄烧牛扒定食$48+个定食有鸡扒同秋刀鱼$48+刺身拼盘$40+吉列白鲹鱼$15+香桃特饮$5薄烧牛扒定食我明白呢个价钱系不能够要求太多，但佢个薄烧牛扒一上，干争争，望落己经令人唔开胃，唔好讲影相，连望都唔想望到，食落仲好似食紧香口胶，食极都仲系硬到吞唔到😒呢个系伏中之伏。照烧鸡扒+秋刀鱼定食另一个定食就正常少少，鸡扒同鱼都食到既，不过味道一般。刺身拼盘一上，见到佢比包装「争鲜」酱油，原来同一集团，难怪难怪，刺身有种岩岩喺冰柜拎出黎既感觉，令个冬天添上一份寒意。吉列白鲹鱼反而最好味竟然系$15既吉列白鲹鱼，可能系炸左既关系，系松脆得黎又唔会太油，新鲜炸起。呢个moment 见列隔离枱既香港人叫左天妇罗定食同吉列猪扒定食，我明啦，原来呢度食炸物应该最唔伏。白桃乳酸饮品味道非常人造，胜在价钱系+$5总括黎讲，一次就够哂数