校長燒肉日韓料理 (已搬遷) 新店位置

今晚两丁友去咗食韩式烧烤放题，一坐低就见到有鱼生同埋生蚝可以加钱升级。咁我哋当然加钱升级啦。话咁快啲生蚝同鱼生就上枱，食得出系好新鲜嘅。食咗啲生嘢就出去自助区度拣啲嘢入嚟烧。食小小熟野打底再食多d鱼生。佢呢度无论肉，菜定系鱼嘅选择都比其他同类型嘅韩烧多好多。一见到就流晒口水!!另外呢度嘅服务都几贴心，加张吸油纸喺个烧烤炉度。一来可以吸油，二来烧起黎冇咁容易㶶同埋痴住个炉。呢度啲材料除咗多选择之外 ，仲好新鲜同埋腌得好入味。另外呢度有一样嘢系令人好惊喜嘅就系佢哋嘅酱料非常非常之多有十几款咁多，唔似得其他地方得三几款。所以烧出嚟嘅肉，鱼同蔬菜可以根据自己口味配搭唔同嘅酱料，非常之好食。我哋烧完一转又一转都唔记得攞咗几多转材料返嚟烧。净系知道好好食同埋食到好饱!另外佢哋仲有三款唔同嘅汤任人拣。 我就拣咗人参鸡汤清一清烧烤嘅热气 。另外佢哋嘅饮品亦都系非常之多嘅选择，如果钟意饮啤酒嘅朋友加少少钱仲可以任饮绝对抵过去酒吧。饮饱食醉之后仲有超过十几款嘅甜品任拣。我只可以讲以呢个价钱任饮任食真系超值，黎开元朗嘅朋友不妨试一试。