宏發燒臘飯店 (已結業)

台湾朋友黎香港工干，顺便约我见面聚聚。唔讲唔知，原来台湾人特别中意香港既烧腊饭。原来谂住带佢high tea, 点知佢叫我带佢食烧味饭！咁我就一尽地主之谊，做下功课，带佢食间唔失礼既烧味饭openrice见到宏发烧腊又就脚，烧味又大碟价钱又合理，就带佢去试呢间。店内大部分游客都唔系本地人，似乎呢间烧味都系做游客生意居多，当然啦，正正系祟光百货附近。服务员见我同朋友对住个餐牌十五十六，佢好好，即刻过黎介绍我地食烧乳猪，佢话呢度既乳猪好香脆可口，一定要试！于是我地点左个烧腩仔拼乳猪，可以试两款烧味哗 乳猪同烧腩仔既颜色好光泽，简直好似岩岩烧起一样！！望落去都觉得佢好脆，咬落口果然系脆卜卜。烧腩仔同乳猪皮脆肉滑，肥瘦适中，激赞另外我地仲点左个烧鹅濑。烧鹅一样出色，鹅肉鲜嫩。唯一美中不足系个汤底，较淡，好似滚水濑粉咁，扣少少分。烧味以外既选择。其实南乳猪手我都好想试！！不过真系食唔落咁多。下次自己再黎试先~~~