影片
更多
2013-06-30
283 浏览
晌荃湾鲎地坊嘅八一蕃，喺巴蜀烤鱼专门店，咩叫「巴蜀」？咪即喺四川，「巴蜀」个名晌先秦时期所存在于四川地区嘅两个国家：巴国同蜀国，小弟中史极水皮，点会识依啲历史嘢吖，都喺晌网上揾揾同大家分享吓。四川其中一道名菜「水煮鱼」，小弟晌重庆山区工作时都领教过，辣嘢唔多啱小弟，所以八一蕃开咁耐就开门不入。老婆跟啲好姊妹晌度食过米线，话好正，有辣有唔辣，所以趁个星期日返佢𠮶边教会时就嚟食晏。环境如一般粉面铺、米线铺，装修简简单单、四四正正，两边墙身装上玻璃镜，感觉好似大啲，一块萤光手写板，有当日小炒推介，不过嚟食晏就有啲不适用喇。服务普普通通，食个晏收你几十蚊都唔可以有太多要求，但感觉又唔太差，只喺有啲「滚水渌脚」嘅感觉啫，哈哈。有个过胶大餐牌，印有凉伴小吃、烤鱼系列、串烧系列、厨师特别介绍，影埋出嚟俾各位当个参考。我哋嚟食午餐，目标自不然落晌「午市特别介绍」一栏，10款米线一喺卖$24，一喺卖$26，都几实惠经济。此外，真喺想食烤鱼嘅话，午市都有啲2人餐（$138）、4人餐（$196），包小食、鱼汤时菜、冻饮、白饭、烤鱼，确实几丰富。鱼腩鲜腐竹米线 $26份量一如大多数米线铺咁大碗，鲩鱼腩大件鲜甜
环境如一般粉面铺、米线铺，装修简简单单、四四正正，两边墙身装上玻璃镜，感觉好似大啲，一块萤光手写板，有当日小炒推介，不过嚟食晏就有啲不适用喇。服务普普通通，食个晏收你几十蚊都唔可以有太多要求，但感觉又唔太差，只喺有啲「滚水渌脚」嘅感觉啫，哈哈。
有个过胶大餐牌，印有凉伴小吃、烤鱼系列、串烧系列、厨师特别介绍，影埋出嚟俾各位当个参考。我哋嚟食午餐，目标自不然落晌「午市特别介绍」一栏，10款米线一喺卖$24，一喺卖$26，都几实惠经济。此外，真喺想食烤鱼嘅话，午市都有啲2人餐（$138）、4人餐（$196），包小食、鱼汤时菜、冻饮、白饭、烤鱼，确实几丰富。
鱼腩鲜腐竹米线 $26份量一如大多数米线铺咁大碗，鲩鱼腩大件鲜甜，鲜腐竹清香豆味足，加埋豆卜索满汤，米线柔滑，奶白汤底好浓鱼味，味道鲜甜，问一问原来师傅以鲩鱼嚟汤，估唔到鲩鱼熬汤一样咁浓咁正！
酸菜牛脷米线 $24酸菜米线较鲜腐竹米线多份酸香，感觉惹味啲，但汤底依然鱼味鲜浓，因为实在好饮，就算咁大碗鱼汤米线，小弟一于清晒个鱼汤，以表敬意，不过就只限小弟自己依碗啫。除咗豆卜，仲有少少秀珍菇，牛脷薄切，入口唔韧，颇柔软。
由于米线份量著实不少，老婆本身都食唔晒一碗，所以小弟一个人顶碗几米线，加埋清晒成碗鱼汤，真喺饱到肚涨，廿零蚊就食到餐咁满意嘅午餐，不愧喺好介绍。题外话，小店仲有免费wifi添！
张贴
