影片
更多
2022-10-27
608 浏览
睇过好多食评及介绍，都话好好食，终于约到两个老友去试阵！以前未有屯马线去九龙城，我觉得去九龙城都几唔就脚，除左谂起食泰国菜会去九龙城之外，如果打边炉尖沙咀大角咀都好多选择，所以去呢边揾食既机会就少左。而家系宋皇台站，由落车行到上去就真系3分钟就到，极方便。沙爹汤底浓郁度爆炸，略甜带咸，由于大部份食物都系较吸味既，所以会好想追住食，好过瘾！！！浸系汤入面果件滑豆腐都入晒味，好食到震！牛肉都ok既，肉味唔系好重，个质都嫩，$360一碟份量合理，如果你同我一样系牛魔王，呢度既牛肉就未必满足到你，只不过系个汤底令牛肉加分。鳝片刀功都可以，切得适中唔太厚，不过就冇左果浸鳝既鲜味，肉质系淋身果种；点解咁讲，如果去街市买鳝，睇住个师傅切落去索索声，果条鳝既肉质食落口系弹牙脆既，真系非常好食。但$80有超过十片，咁计真系又抵又好食既！唔知系咪鳝都有急冻既呢？？韮菜饺，鱼皮饺，水尤，粉肠，猪皮，炸鱼皮等就干净企理，正常味道普通货，都系果句：嬴在沙爹汤啦！啤酒又平，仲可以嗌泰国档口果d沙冰饮下，几爽既！火锅食物唔多选择，地方细，我6点45分到，都坐左7成客，仲有几张枱（4-5张），唔知有冇得订枱。第一次嚟
以前未有屯马线去九龙城，我觉得去九龙城都几唔就脚，除左谂起食泰国菜会去九龙城之外，如果打边炉尖沙咀大角咀都好多选择，所以去呢边揾食既机会就少左。
而家系宋皇台站，由落车行到上去就真系3分钟就到，极方便。
沙爹汤底
浓郁度爆炸，略甜带咸，由于大部份食物都系较吸味既，所以会好想追住食，好过瘾！！！浸系汤入面果件滑豆腐都入晒味，好食到震！
牛肉
都ok既，肉味唔系好重，个质都嫩，$360一碟份量合理，如果你同我一样系牛魔王，呢度既牛肉就未必满足到你，只不过系个汤底令牛肉加分。
鳝片
刀功都可以，切得适中唔太厚，不过就冇左果浸鳝既鲜味，肉质系淋身果种；点解咁讲，如果去街市买鳝，睇住个师傅切落去索索声，果条鳝既肉质食落口系弹牙脆既，真系非常好食。但$80有超过十片，咁计真系又抵又好食既！唔知系咪鳝都有急冻既呢？？
韮菜饺，鱼皮饺，水尤，粉肠，猪皮，炸鱼皮等就干净企理，正常味道普通货，都系果句：嬴在沙爹汤啦！
啤酒又平，仲可以嗌泰国档口果d沙冰饮下，几爽既！
火锅食物唔多选择，地方细，我6点45分到，都坐左7成客，仲有几张枱（4-5张），唔知有冇得订枱。第一次嚟呢个熟食中心，系我见过最干净整洁既，亦都系最细既，如果想一试呢个咁正既沙爹汤，真系要早d嚟！我未食过方X记，不过其实两间舖行既路线都唔同，唯一可以比较既只有个沙爹汤底。
我两个朋友偏细食，所以叫既野唔多，如果想边食边倾计呢度就比较嘈，另有两间泰菜都坐无虚设，我估都系经济好食。
张贴
