四姐川菜

营业中

休息中

朋友仔好钟意食川菜，又钟意多样化试多几款，见餐厅有套餐，人头计360，有2个凉菜同3个主食，款式都好多选择。入到去餐厅闻到四川香料既香味同埋红油既香气，食指大动。招牌四川凉面招牌凉面劲好食，应该加左d酸菜，味道酸辣好味，面质有咬口，𠮶酱真系劲好食，如果有得卖就好啦😁川式椒盐虾虾炸到只只香脆金黄色，带有蒜香椒盐味，又唔会太咸，食到一只接一只，香脆可口，一定要试。招牌重庆水煮鱼一上菜香气扑鼻，份量十足，鱼肉好大旧，肉质嫩滑，配菜有大量芽菜同宽粉，味道一绝。蒜泥青瓜看似清淡但食落味道好够，带香浓蒜味。青瓜新鲜又爽脆同入味，钟意食蒜既朋友一定好满足。干煸四季豆四季豆系我食川菜必点，所以对于佢都有要求，一上枱个外观已经觉得好靓仔。炒得好有镬气，四季豆口感系脆既，系我钟意既感觉，食到停不了口。