麵道 (已結業)

咁岩去开石门附近，见到港铁站外有间拉面铺！症情关系好耐冇去日本食拉面，一于试试佢过下口瘾😚😚🍜 特盛鸡叉烧味玉博多鸡白汤拉面拉面汤底浓郁，唔会太过油腻，汤汁勾住拉面一齐食简直停唔到😋😋😋。鸡叉烧方面虽然软身，但略为鞋口，发挥一般。🍜 黑松露蚬贝酱油汤拉面 汤底同平时食开既拉面汤底好唔同，偏中华风，黑松露味亦不太突出，唔系太习惯。不过胜在配菜多，有豚叉烧、鸡叉烧、蚬、味玉，每样都可以试下。有下次既话会叫鸡/豚拉面。🥟 芝士羽根烧饺子芝士煎饺不太推荐，虽然芝士铺满系饺子上面睇落吸引，但食落去发现面头既芝士并冇融入系底下既饺子，而饺子馅亦无再加芝士，比较失色。值得称赞系叫拉面时可以选择唔同软硬度、浓郁度、多葱少葱等等，迎合唔同口味。👍🏻👍🏻总括而言去开附近又口痕想食拉面既话都可以一战，但价钱相对较贵，性价比不高。