麵道 (已結業)

放工后同男朋友系荃湾行行下街，又倾下去日本旅行既事宜，突然拉面瘾起，之后就走左去食拉面。去到刚好系旺场，都几多人排队，排左大约二十分钟左右。呢间拉面主要有三款汤底：浓厚酱油豚骨汤、伊势海老豚骨汤、浓厚鸡白汤。每款限量发售，我地原本打算选择伊势海老豚骨汤，可惜排到入去侍应姐姐同我地讲伊势海老已经卖晒唔排都排左咁耐啦，唯有选择过第二款，但我地对鸡汤无咩兴趣，即系得返酱油豚骨汤⋯⋯我地坐吧枱位，位置都宽敞，仲可以见到少少师傅煮面既情况。枱上有其他调味料，但就见唔到有前菜。（点解见其他食评会有前菜既，因为本人都几钟意食日本既腌制食物㗎）辛口特盛叉烧味玉酱油豚骨汤拉面好味我点左拉面面质系硬身，浓味汤底，走葱。第一时间紧系尝啖汤先啦，浓郁既豚骨味满满地包围住舌头汤浓但不肥腻，口感稠密，可以挂面。拉面硬度刚好系我钟意既，叉烧肥瘦适中，食落有碳烧味男朋友话要饮啤酒，之后就叫左杯冰冻泡沫生啤（蜜桃），平时少饮酒既我都忍唔住俾啲泡泡吸引左试左一啖，饮落真系有淡淡既桃味话咁快就食完碗面其实汤唔算多，可能因为稠既关系，食拉面既时候都带走唔少汤，最后得返几啖饮。总括而言，呢餐好满意心思思都系想试埋伊势海老豚骨汤