孟買廚房 (已結業)

系APP见到午餐有半价，就过嚟试下啦！两个人叫咗咖喱羊肉煲，蒜蓉薄饼，同埋腰果汁串烧鸡。虽然佢叫做咖喱羊肉煲，但佢唔系用煲上，一开头见到有啲失望。但味道非常美味，洋葱系煮到好软身嘅状态，系我嘅至爱！羊肉方面，肉质好爽，亦容易咬开，唔会起渣。配合松软嘅蒜蓉薄饼简直一流。而腰果汁串烧鸡系用铁板上，既不是串烧，食落亦无腰果味，但仍然觉得好好味。因为怕鸡肉会老，一上菜嘅时候已经将鸡肉夹起，淋上柠檬汁同绿色酱汁后，鸡肉非常清新，口感嫩滑，超级好食。虽然上菜时食物总系货不对办，但会带来啖啖惊喜，值得一试。