三河屋 (已結業)

呢日同两个朋友黎到红磡呢头，准备睇演唱会。我地约早啲，谂住唔食food court，食下其他野。朋友就带左小编去附近一间餐厅食日本野。小编一黎到就超级钟意呢度，唔知点解比小编一种好特别嘅感觉。呢度系旧嘅日式小店嘅样，虽然舖细位唔太宽阔，但有种温暖嘅感觉。呢度野食都有唔少嘅选择，价钱较平。小编嗌左碗拉面，味道都唔错，而且都几大碗，食哂都会饱。个汤唔浓唔淡，略嫌有少少味精嘅感觉。个肉都够味，个面都夹口同弹牙，又唔会太硬。整体黎讲系几唔错，如果喺附近谂唔到食咩可以过黎试下。