荔香園冰室 (已結業)

荔香园冰室既装修好有九十年代既感觉，入面仲好多香港既旧照，仲有道绿色既铁闸😮睇睇餐牌，主要都系卖翻啲港式茶餐厅既菜式，但系传统得黎又有啲创新！1⃣️皇袍叉烧饭（$58）即系滑蛋叉烧饭。份量好多，滑蛋唔算系好滑，但系有蛋香，同埋够晒覆盖到成个饭，淋埋啲甜豉油捞饭食唔错👍好好既系甜豉油系分开装，自己钟意落几多就落几多。叉烧有好多片，肥瘦适中😌  2⃣️爆蛋芝士牛肉菠萝包（$38）菠萝包就食得多，真系有菠萝既菠萝包都系第一次食😂首先菠萝包面头够脆，中间同个底够松软。入面有太阳蛋、蕃茄、牛肉片、芝士同埋菠萝。馅料都好多好丰富，一啖绝对食唔晒所有料🤩最吸引我既系只蛋，一切开，蛋汁流晒落黎🤤冇谂过菠萝包都可以好似汉堡包咁食。然而呢个组合又真系几好食wor😍  3⃣️芝士流心厚西多士（$32）西多士炸得好香口，加埋面头既牛油，同埋糖浆，真系冇得输。仲要中间夹住两层既芝士，一切开，就见到啲流心既芝士🤤西多士够厚、够脆、够蛋香，再加埋啲芝士，一个字，正！几肥都要食！