探客 (已結業)

喺附近返工嘅OL朋友疯狂推介呢间探客😂😂😂 佢喺旺角返工，基本上成条街嘅台式饮品都试匀晒，但只系对呢间赞口不绝!!!永远无伏咁话😆😆今日就试咗两杯 芝士奶盖嘅饮品 : 芝士木瓜🧀 同芝士莓莓🍓 芝士木瓜用新鲜木瓜打成，芝士奶盖香浓醇厚，一啲都唔嬉场。奶盖嘅咸味同木瓜嘅甜味非常夹，而且饮落滑溜!😋😋 我嗌咗少甜，甜系来自木瓜嘅原味而唔系死甜，入面仲有d d 果肉，相当之清新可口😍😍 绝对适合少糖一族!!而芝士莓莓用咗蓝莓同草莓混合，初初以为会偏酸，但饮落原来都系甜甜地，食落仲有大量莓肉 🍓🍇 坚足料!!!! 加埋奶盖非常之相衬， 无论分开饮定捞匀饮都有唔同嘅味觉享受👍👍 重点系佢地都非常之巨型，喺大热天时消暑解渴，又性价比高饮品!!!