影片
更多
2022-09-27
1416 浏览
西日Fusion🧀足料芝士烩饭🦀极鲜蟹肉蟹籽意粉！-位于铜锣湾旺区小巷中，结合Cafe同清酒串烧料理，主打西式日系Fusion菜，除咗摆盘非一般精致，由Cafe到串烧，餐牌选择之多都令田中惊讶。而且重点系，价钱唔贵之余，唔少菜式都系自家创作，手工制作而唔系现成入货，出边都食唔到，可见小店嘅匠心同认真。-🦐泰荫功海鲜芝士烩饭 ($98)英文名叫Jasotto，意大利饭做法，但用上日本米，加入浓厚芝士，啖啖芝士香，同时冬荫功又酸酸辣辣，邪恶得黎又开胃。🍝蟹籽香辣蒜片鲜蟹肉意粉 ($98)近期限定嘅鲜蟹料理，用上时令当造嘅日本蟹，配上海量蟹籽，鲜味十足，蒜片辣炒至干身，香口惹味。🦀烧日本蟹足 配清酒海鲜泰汁 ($108)同样系限定鲜蟹料理，蟹足大大件，肉嫩而鲜甜，配上自家调制嘅清酒泰式辣汁，完全令人食上瘾。🦪炉烧金蚝 ($68)必叫之一，同样少有地用上生晒金蚝，蚝味浓郁，饱满鲜甜，配上浓甜酱汁同嫩本菇，值得一试。🥓日本泡菜脆脆巴马臣芝士 (3件 $68)🧀双重芝士焗薯条 ($58)两款芝士控必食，惹味泡菜中和脆芝士腻感，而焗薯条睇相都见，拉丝邪恶得夸张。🍗烧鸟串烧盛盒 ($148)- 免治鸡
-
位于铜锣湾旺区小巷中，结合Cafe同清酒串烧料理，主打西式日系Fusion菜，除咗摆盘非一般精致，由Cafe到串烧，餐牌选择之多都令田中惊讶。
而且重点系，价钱唔贵之余，唔少菜式都系自家创作，手工制作而唔系现成入货，出边都食唔到，可见小店嘅匠心同认真。
-
🦐泰荫功海鲜芝士烩饭 ($98)
英文名叫Jasotto，意大利饭做法，但用上日本米，加入浓厚芝士，啖啖芝士香，同时冬荫功又酸酸辣辣，邪恶得黎又开胃。
🍝蟹籽香辣蒜片鲜蟹肉意粉 ($98)
近期限定嘅鲜蟹料理，用上时令当造嘅日本蟹，配上海量蟹籽，鲜味十足，蒜片辣炒至干身，香口惹味。
🦀烧日本蟹足 配清酒海鲜泰汁 ($108)
同样系限定鲜蟹料理，蟹足大大件，肉嫩而鲜甜，配上自家调制嘅清酒泰式辣汁，完全令人食上瘾。
🦪炉烧金蚝 ($68)
必叫之一，同样少有地用上生晒金蚝，蚝味浓郁，饱满鲜甜，配上浓甜酱汁同嫩本菇，值得一试。
🥓日本泡菜脆脆巴马臣芝士 (3件 $68)
🧀双重芝士焗薯条 ($58)
两款芝士控必食，惹味泡菜中和脆芝士腻感，而焗薯条睇相都见，拉丝邪恶得夸张。
🍗烧鸟串烧盛盒 ($148)
- 免治鸡肉棒2串、盐烧鸡软骨2串、汁烧鸡肾、手羽烧2只、月见蛋 (+$8)
据闻每枱必叫，因为真系太抵食，功架十足嘅烧鸟串，其中自家鸡肉棒 可以配上醉月见蛋汁，田中真系连蛋汁都饮埋。
🍵Kurome De La Crème Green Tea ($42)
🍹Rose Lychee Soda ($38)
作为Cafe同居酒料理嘅混合，除咗必试鲜制嘅浓厚奶盖、自家靓豆咖啡同清酒外，仲有咖啡同酒嘅结合 - 自家冷泡咖啡烧酎，酒中散发淡淡啡香，真系呢到先有。
张贴
