金鶴拉麵 (和富道) (已結業)

今日夜晚听朋友介绍去左呢间拉面店试一试。一场黎到当然要试佢地主打嘅浓厚鸡白汤拉面，卖相方面已经好吸引，尤其系个炸牛蒡相当特出，最好唔点汤食会更加脆同食到佢嘅原味。忍唔住即刻饮左一啖个汤，果然无介绍错，汤底够晒浓味，而且鸡嘅香味相当入味，上面仲有一层泡沫，够晒creamy。肉方面同样无令我失望，两片豚肉叉烧好肥美同香，而我就更钟意两片慢煮鸡肉，口感甚佳，好容易咬，而且鸡肉本身嘅味道都无流失，同个浓厚鸡汤好夹。