鳴虎 (北帝街) (已結業)

土瓜湾有许多隐世美食，墨鱼汁汤底第一次见，好似几吸引咁。餐厅环境唔算大但系坐得好舒适。侍应都几有礼貌。黑鸣虎黑蒜油+墨鱼汁做汤底，够哂特别。拉面嚟到嘅时候，当然要试吓个汤先。汤底浓厚，非常香黑蒜油味道。$88已包括紫菜、两片叉烧和半只唐心蛋，非常抵食。拉面弹牙，没有煮得过熟，烟韧口感十足。流心蛋味浓，好香蛋黄味。鸣虎日本鱼干+猪骨汤底，较黑鸣虎为清淡，适合不喜欢重口味汤底的人。平时喜欢食日式零食鱼仔的人应该也会喜欢，鱼香令汤升华。配菜和面方面也是一样。辣味肉噌平时食面无辣不欢嘅朋友，可以加配呢个小菜，以辣味噌煮出嚟嘅猪肉碎，配面一流。呢个菜式都几特别，出面餐厅都唔见有，想试吓唔同菜式嘅朋友仔可以试吓呢个。肉饺子五只香煎日式饺子，猪肉饺子配上香醋汁，令人胃口大开。饺子外皮趣卜卜，好味道。分量都适合一至二人食。波子汽水系日版嘅波子汽水，食热辣辣嘅拉面配冻嘢饮系一流。