影片
更多
2022-05-30
3766 浏览
成日去尖沙咀，但系讲到揾食真系好少黎到新港中心呢边上到黎三楼，估唔到星期六嘅下午会系呢个寂静嘅商场有另一番景象虽然餐厅好多人，但系因为只系我同老公两位，所以唔洗等位可以直入系门口已经拎左MENU睇，望下有乜好食见到佢点心类别同普通酒楼唔同，另外仲有新派点心，卖相精致，可惜好多都系有和牛成份，老公唔啱食睇左一轮就落单，我柯打嘅系：沙姜猪手、水煮鱼春卷、沙田乳鸽X2、炒虾肠粉（XO酱）同埋冻奶茶一杯每台都有一壶茶，指定左嘅茶叶第一道上嘅系小食：沙姜猪手首先要赞嘅系佢剪细左一旧旧，食起上黎方便啲，可以成旧放入口，食相可以优雅一点另外件数又多啲，大家可以少食多滋味不过佢嘅沙姜系加埋豉油同蒜蓉，初初食就觉得好惹味，但系食耐左就觉得好浓味，要饮茶先得第二道上嘅系水煮鱼春卷呢个点心好特别，系其他地方食唔到，水煮鱼加春卷咁都俾佢谂到咬开已经食到水煮鱼嘅麻同带点点酸，但系一啲都唔辣，所以我成日都记错佢系酸菜鱼春卷春卷包做得几好，包得算密实，就算水煮鱼有汤都HOLD得住，入面仲夹住一块薄薄嘅鱼片果然点题，符合商品说明条例春卷长度比一般食开嘅都长，加上春卷皮要比平时食开嘅又包得厚身一点，味道又系浓味食物，所
上到黎三楼，估唔到星期六嘅下午会系呢个寂静嘅商场有另一番景象
虽然餐厅好多人，但系因为只系我同老公两位，所以唔洗等位可以直入
系门口已经拎左MENU睇，望下有乜好食见到佢点心类别同普通酒楼唔同，另外仲有新派点心，卖相精致，可惜好多都系有和牛成份，老公唔啱食
睇左一轮就落单，我柯打嘅系：沙姜猪手、水煮鱼春卷、沙田乳鸽X2、炒虾肠粉（XO酱）同埋冻奶茶一杯
每台都有一壶茶，指定左嘅茶叶
第一道上嘅系小食：沙姜猪手首先要赞嘅系佢剪细左一旧旧，食起上黎方便啲，可以成旧放入口，食相可以优雅一点
另外件数又多啲，大家可以少食多滋味
不过佢嘅沙姜系加埋豉油同蒜蓉，初初食就觉得好惹味，但系食耐左就觉得好浓味，要饮茶先得
第二道上嘅系水煮鱼春卷呢个点心好特别，系其他地方食唔到，水煮鱼加春卷咁都俾佢谂到
咬开已经食到水煮鱼嘅麻同带点点酸，但系一啲都唔辣，所以我成日都记错佢系酸菜鱼春卷
春卷包做得几好，包得算密实，就算水煮鱼有汤都HOLD得住，入面仲夹住一块薄薄嘅鱼片
果然点题，符合商品说明条例
春卷长度比一般食开嘅都长，加上春卷皮要比平时食开嘅又包得厚身一点，味道又系浓味食物，所以食左一条春卷已经饱左
最期待嘅食物：沙田乳鸽虽然钟意食乳鸽，但系我好少食，细细只无乜肉，又贵食完又唔饱
呢度$39一只就一人一只同老公试下
啱啱拎出黎热辣辣，已经摊左一阵先带手套食乳鸽，但系依然辣手呀
乳鸽肉嫩够味，虽然就唔算有汁，但因为乳鸽细细啲肉唔会柴皮
呢个我同老公都满意
最后黎嘅一道炒虾肠粉（XO酱）呢个𩠌又系有神奇之处，XO酱应该有干瑶柱，但系佢炒完出黎真系唔多觉，但系有XO酱嘅味，仲十分浓烈TIM
虾嘅份量都几多，但系呢啲雪藏虾都无乜特别
其实叫个淀粉质都系因为惊唔够饱，不过因为呢度嘅食物样样都好浓味，我地都食到漏漏地，基本上叫三个都够食
呢度食物嘅卖相，尤其系SELL外表个啲真系值得一赞，完全做到实物如图，虽然我自己无叫黎食，但系望到隔离台嘅点心卖相都认真唔错
耐何我同老公都唔算十分重口味，所以唔系好啱我地胃口
讲完食物就讲服务，呢类有装修嘅餐厅收加一服务费就预左，但系呢度嘅服务仲衰过屋邨酒楼
咩带位GREETING呢啲无都唔紧要啦，我唔系食FINE DINING，但系上菜个PART简直离谱
每次上菜都系摆低就走，ALERT食客嘅说话例如：小心、唔该，一句都无，都唔好要求佢地讲一次食物名咁高要求嘅句子
讲真系屋邨酒楼饮茶，姐姐放低笼点心都会讲句：牛肉球！
啲野食热辣辣，就咁队碟野食埋黎
仲有唔知点解得我个台开位无俾QR CODE我地落单，我系拎住门口拎个张点心纸落单嘅
明明写左要冻奶茶，结果就无上到
如果我唔想饮就唔会落单啦，唔系为左有得边食点心边饮奶茶，我点会黎呢啲新派中菜呀
隔离台每一台都有个细红色桶仔装垃圾，因为食乳鸽有骨嘛，整整齐齐掉落桶唔会影响自己食欲姐姐执台又方便
但系唔知点解又系我地个台无嘅
埋单三百五十几，话贵又唔系真系好贵，都叫左四样野连加一
但系呢个价钱两位用都可以有好多选择呀！
呢间唐宫小聚当checkpoint 算，无下次
张贴
