湯•米 (已易手) 新餐厅

最近朋友发现喺旺角嘅呢一间台式一人一锅小店汤米。 装修得好干净、光猛。 汤米有几款唔同嘅锅，我同朋友仔一齐点左 一个泡菜锅，外加其他配菜，食得都超级丰富。 锅入面有王饺子、椰菜、年糕、豚肉、韩国面、娃娃菜、韩国泡菜、云耳、金针菇、鲜冬菇、豆腐、豆角、粟米、炸薯仔、炸支竹、鹌鹑蛋、鸣门卷。劲丰富! 火锅嘅味道都几浓，但系唔会好辣，有泡菜嘅香气。 年糕煮得已经好冧，豚肉好鲜味。食食下我哋放咗只鸡蛋入去一齐煮，令到个味道更香，最后食韩国面，面质弹牙又入味。我地仲另外点左一份牛肉，好大片，肉同脂分布都几均匀，都几新鲜，落入泡菜锅之后味道都唔错。小食我觉得花枝丸、炸鱼皮非常唔错!花枝丸炸得好热，又够弹牙，超级鲜味! 炸鱼皮就好脆口! 由头食到尾都无腍过，唔错! 边食当然有边饮，台式火锅再配埋台式饮品，特别系食辣既火锅，一定要点冻饮! 我要了爆柠四季春! 茶味好香，清淡，柠檬够酸，果然称得上爆柠! 又够大杯可以尽情饮，唔错唔错!食完个锅觉得成身暖笠笠，好温暖好舒服。