新泰東南亞餐廳 (已結業)

帐幕座位很有特色，很有私人空间，座位加了揽枕，同朋友来轻松倾一晚都得。餐厅除了有泰国茶，更有东南亚地区的菜式，味道几浓重又带香料味。串烧（鸡、牛、猪）$88，我地拣左每款各两串。鸡肉及猪肉都较嫩淋，烧得唔干仲有点肉汁。鸡肉有弹性，猪肉唔鞋。沙嗲酱汁味道调得好，香浓惹味，微辣易接受，仲多份香料味。牛肉较有赵口，也干身点，但肉味重，也很夹沙嗲酱味道。每串都有3-4旧肉，份量颇多。泰式柚子虾沙律 $98，同样大大份好足料。有大虾、鱿鱼、柚子肉、虾仔干、干葱、腰果、辣椒及香料，味道丰富有层次，甜味偏重带辛辣，咸味轻轻，虽然越食越辣，但辣味快散去，加上柚子肉多汁又清爽，令海鲜更好味。冬阴鸡煲 $168，都有5-6碗，仲有火炉热住上菜，慢慢食都唔怕个汤变冻。鸡件多肉又嫩滑，好够香茅味，而且颇酸又够辣，的确味道浓重又刺激，滋味得唔想停口，而且香料用很多，很有泰国口味。