龍如酒家

营业中

休息中

今日特意走入流浮山买金蚝，顺便去食海鲜。原本谂住去海湾试吓，点知无开门，所以就拣咗去对面间龙如。入去时见唔太多人，心谂唔知点唔点，但胜在地方非常干净，而且枱与枱之间亦阔落，都坐得几舒服。去门口拣咗几款海鲜，伙记即时送去厨房煮，不到15分钟就已经逐样上枱，较率几高。餐前还送两碗海鲜汤，个人觉得送得不够大方，流浮山亦食过几家饭店，一般送海鲜汤系会一大汤碗上，但呢家只送两小碗，感觉有点吝啬。豉油王虾 : 炸得香脆，但不会盖过虾嘅鲜味，食落口带有微微脆香。豉椒蛏子皇 : 肉嫰多汁，不会煮得过老，味道刚好，不太咸。炆斑腩 : 伙记话系得奖名菜，推荐我们一试。一般炆斑腩都会用到支竹火腩去炆，但呢度师傅做法系先微炸再炆煮，酱汁浓而不会失咗鱼嘅鲜味，果然名不虚传。砵酒焗蚝 : 味道虽然可以，但实在食落有点腻，可能两个人份量实在太多。油盐水浸菜芯 : 呢个反而系全餐最唔好食，有点过咸。饭后还有免费水果及甜点。