雲南風味小鍋米線

营业中

休息中

系长沙湾区，差唔多每季都有食店新旧交替，无返gum上下实力的，好容易就会被淘汰！当中，米线类的竞争相当激烈，旧力的米线实力雄厚，又不时有新势力入侵，过往已有全港有分店的米线大哥都要退出离场。呢间被我名为绿色米线的米线店能在此站稳阵脚，足以证明佢地有一定吸引之处。佢地最吸引人就系香味四溢，系街口就能locate到店的位置，但食完都会有阵味跟住，呢样真睇大家能唔能接受到。先睇睇个餐牌，简简单单，重点就系卖米线，而价钱都相当大众化佢地有麻辣同酸辣两种选择，我个人比较推荐麻辣，小辣就更做到辣同香平衡，都然呢方面好睇个人口味。配料方面就大力推荐呢度的炸酱，佢地好细心，炸酱系可以另上的。但我更喜欢加入汤入面，令成个汤底更香浓。佢地本身应该都用几重调味整个汤，所以做得比其他米线更香更浓，但又唔会觉得得个咸味。当然浓味野食完难免会有少少口渴，但个人觉得尚可接受，可能个人比较重口味啦！