影片
更多
2013-04-09
211 浏览
香港车仔面买少见少～～～好多都徒具其形而无神髓(即系只能拣不同既丸，同自己街市买丸黎煮无大分别．．．)难得屋企附近有间好评车仔面，一定要揾机会黎试下～店舖较细，基本上两张二人枱加张六人枱就已经系全间店～～～环境一般，细舖格局，只系厨房望落比想像中细 (可能因为太多𩠌要放 XD)两个人，各叫左个两𩠌面 +6 转蕃茄薯仔汤底- 牛腩泰式香茅鱼饼幼面蕃茄汤底面碗既大小比想像中大，一黎到蕃茄汤味香浓，即刻闻到～薯仔煲到够烂，又入味，好食﹗蕃茄肉都好多，睇得出个汤足料，的确系好味。牛腩煮得入味，够冧身，应该系柱侯炆，以车仔面档黎讲，算合格。泰式香茅鱼饼虽然预左系雪藏野，但质素都唔错，好香泰式香料味，正﹗唯一幼面系全蛋面，面身略硬，同埋会吸水，搅到汤底食到一半就有啲太少既感觉，不过都算有咬口，唔会煮到糊哂．．．不过下次再食就唔会拣幼面 lu ~~~ 同蕃茄汤有啲唔夹- 牛筋蛋煎蚝通粉蕃茄汤底本来老公想试其他汤底，但试过我个蕃茄汤底后即时决定佢都 encore，仲好搅笑地夜妈妈叫通粉．．．但黎到竟然系．．．出奇地夹﹗通粉系茶餐厅厚身𠮶种，煮得刚刚好，唔会太硬，又吸到蕃茄汤味，中间通心刚好可以饮埋 d
难得屋企附近有间好评车仔面，一定要揾机会黎试下～
店舖较细，基本上两张二人枱加张六人枱就已经系全间店～～～环境一般，细舖格局，只系厨房望落比想像中细 (可能因为太多𩠌要放 XD)
两个人，各叫左个两𩠌面 +6 转蕃茄薯仔汤底
- 牛腩泰式香茅鱼饼幼面蕃茄汤底
面碗既大小比想像中大，一黎到蕃茄汤味香浓，即刻闻到～薯仔煲到够烂，又入味，好食﹗蕃茄肉都好多，睇得出个汤足料，的确系好味。牛腩煮得入味，够冧身，应该系柱侯炆，以车仔面档黎讲，算合格。泰式香茅鱼饼虽然预左系雪藏野，但质素都唔错，好香泰式香料味，正﹗唯一幼面系全蛋面，面身略硬，同埋会吸水，搅到汤底食到一半就有啲太少既感觉，不过都算有咬口，唔会煮到糊哂．．．不过下次再食就唔会拣幼面 lu ~~~ 同蕃茄汤有啲唔夹
- 牛筋蛋煎蚝通粉蕃茄汤底
本来老公想试其他汤底，但试过我个蕃茄汤底后即时决定佢都 encore，仲好搅笑地夜妈妈叫通粉．．．但黎到竟然系．．．出奇地夹﹗通粉系茶餐厅厚身𠮶种，煮得刚刚好，唔会太硬，又吸到蕃茄汤味，中间通心刚好可以饮埋 d 汤，正﹗蛋煎蚝既蚝仔大只，肥美，无咩沙／壳碎，蛋唔会煎得过老但又全熟，虽未至于好好食，但的确睇得出有用心做，正﹗反而牛筋就有少少太冧，有少少化开既感觉，个人钟意冧之中留返少少咬口，不过味道系 okay 的。
- 烧叉烧串
店家强调即叫即烧，所以一坐底就叫左一串，但都到食左大半先黎～～～好香烧烤味，相信真系即叫即烧，肉质唔 un, 但感觉唔够入味，略淡，腌料重返少少会好啲～同埋叉烧酱色素都几劲，食完一抹嘴成张纸巾都橙色左 但计返够热同无雪味，尚算合格。
净睇两𩠌三𩠌既价钱都系 $2x，几平，但其实一转特色汤底 +6 就即时升价，算系少少高档车仔面～ 用心小店，绝对值得支持+回头帮衬
张贴