Alzina Spanish Asador (已結業)

Item: Alzina Spanish Asador
Rating: 5
Author: happy_tummy

105 食记

味道

环境

服务

卫生

抵食

1365

尖沙咀

$201-400

西班牙菜

happy_tummy

等级4

215

刚刚过去嘅圣诞，想揾一间有气氛嘅餐厅同挚爱去食一餐丰富又浪漫嘅圣诞大餐。朋友就介绍呢间位于尖沙咀漆咸道南嘅西班牙餐厅《Alzina Spainsh Asador》。呢间位于地舖嘅餐厅，装修精致，气氛亦浪漫，墙上铺满咗西班牙土产之一「手绘瓷砖」，每一块砖瓦都色彩缤纷，令人有一种畅快嘅感觉。而且餐厅嘅灯光亦都非常之柔和，加上轻快的音乐，令人轻易堕入浪漫气氛之中。西班牙系一个热情嘅国家，而《Alzina》嘅店员亦非常热情，将餐厅嘅特色同埋概念，都分享畀我哋。Alzina 原来解作橡木Oak Tree，呢间餐厅以橡木为名，除咗因为橡木系西班牙代表神圣之外，佢地嘅木制烤炉都系用橡木黎造，烤出嚟嘅食物就更加有风味。由于系happy hour时间，啤酒买一送一，叫咗一杯西班牙Draught Beer【Mahou Lager】$68, 呢杯啤酒色泽金黄,清澈。第一口喝下爽口，麦味重，有独特芳香。令人有大口喝下嘅冲动。喺餐前同朋友饮一杯啤酒倾下计，实属畅快。食西班牙野，当然要食番几个Tapas 先正宗。【加泰罗尼亚特色猪肝酱】$68 ，呢个猪肝酱食落好特别，猪肝酱采

14 浏览

0 赞好

0 留言

西班牙系一个热情嘅国家，而《Alzina》嘅店员亦非常热情，将餐厅嘅特色同埋概念，都分享畀我哋。Alzina 原来解作橡木Oak Tree，呢间餐厅以橡木为名，除咗因为橡木系西班牙代表神圣之外，佢地嘅木制烤炉都系用橡木黎造，烤出嚟嘅食物就更加有风味。
由于系happy hour时间，啤酒买一送一，叫咗一杯西班牙Draught Beer【Mahou Lager】$68, 呢杯啤酒色泽金黄,清澈。第一口喝下爽口，麦味重，有独特芳香。令人有大口喝下嘅冲动。喺餐前同朋友饮一杯啤酒倾下计，实属畅快。

食西班牙野，当然要食番几个Tapas 先正宗。
【加泰罗尼亚特色猪肝酱】$68 ，呢个猪肝酱食落好特别，猪肝酱采用新鲜猪润搅拌压碎而成，所以不难吃到一粒粒的猪膶干，猪肝酱带点粉，里面混入各式香料，最适合就系配以蒜蓉包。香脆嘅面包上面铺满猪肝酱，口感一流。喜欢食猪润嘅朋友绝不能错过。

【西班牙鳕鱼蛋饼】 $68，鳕鱼蛋饼煎成饱满嘅圆形，上边套著色彩缤纷嘅红椒丝，以及惹味嘅蒜蓉酱，一食落口蛋味丰富，蛋饼多汁嫩滑，而且仲可以食到一丝丝嘅鳕鱼肉，呢个Tapas绝对系一个老少咸宜嘅小食。

【脆炸和牛球薯蓉球】$45，此乃待应推介嘅小食，果然冇令人失望。薯蓉球被炸得金黄松脆，上面淋有garlic olive oil sauce，酱汁辣辣哋有啲烟薰味。一切开，马上令人有惊喜。里面嘅和牛面颊炆得非常之软淋，而且牛肉味浓郁，炸薯蓉球同和牛面颊互相辉映，认真不错。

【特选伊比利亚黑毛猪柳拼盘】$238，伊比利亚黑毛猪简直有如西班牙嘅国宝，黑毛猪食橡果长大，肉质除咗嫩滑之外，亦冇平时猪嘅骚味。呢个拼盘系由餐厅特制嘅橡木烤炉炮制而成，实属不可不试系列。呢个黑毛猪拼盘有几个猪嘅部位, 每个部位都各有唔同嘅口感。呢三个部位大概系背脊、腩位、同埋猪肩肉，背脊位置较为烟韧，但肉味最浓厚，腩肉较为淋身，充满油花，肩肉食落爽口，充满肉香，三个部位都各有千秋，令人食唔停口，用来配衬啤酒就最适合不过。

食西班牙餐又点少得饮番杯Sangria，呢度嘅Sangria有成六款选择咁多。呢度嘅Sangria系我饮过最好味嘅，同朋友分享最适合就系叫一Jar，假如想试多几个款式亦都可以选择一杯。
【Classic Sangria 】$88， Classic sangria 用红酒作主，加上Brandy，同橙汁调配。个人觉得Classic最好饮，酒美浓得黎亦非常之容易入口，果味芬香浓郁，里面有大量新鲜嘅生果，无论系提子、苹果、抑或系柠檬，每种生果都非常甜美，饮落非常之清新。