東京築地拉麵 (已結業)

好耐无出旺角，今日出嚟食餐便饭顺便行吓，呢间东京筑地拉面喺地牢下面，食物款式唔算好多，专注做好几款。叫了「浓厚鸡白汤拉面」（$83），我理解佢系话用12个钟来淆汤，第一时间当然试吓个汤底，又真系几浓味，唔错！几件鸡肉都几滑，拉面质感刚好，仲有溏心蛋和紫菜添！另外朋友点了「日式滑蛋吉列猪扒丼」（$56），滑蛋同猪扒份量都几多㖞，我试咗旧猪扒，厚身得黎又松软，只是吉列层俾啲汁整淋左。我哋亦叫咗个日式煎饺子（$38 /5只），菜肉馅，表面都煎得香脆。日本柚子冰和芦荟提子梳打冰（$24）都几大杯，记得搞匀饮，喜欢后者有芦荟粒粒有咬口。