影片
更多
2022-12-03
57 浏览
🌟餐厅：醉胡炉📍地址：尖沙咀柯士甸路20号保发商业大厦地舖💰价位：～$200 - $400⏰营业时间：星期一至日17:30 – 22:00📱电话：2606 2106呢两日气温突然急降，好冻呀！！怕冻既我梗系要揾返间又高质又有特色之余，汤底亦要好滋补既火锅店暖暖胃！今晚一于同妈妈去「醉胡炉」试下先！餐厅于柯士甸路地铺，大大间好易揾。餐厅装修时尚，亦设有多间独立箱房，私隐度位高之余，又宁静舒适，可以舒舒服服咁慢慢叹返个边炉夜。———————————————————🔹火锅酱料一坐底店员就送上一个木架有齐各种酱料，如自家制辣椒油、蒜蓉、炸蒜、花生酱、沙嗲酱、葱花、芫茜等，好整齐咁一碗碗放系木架上，我地可以按自己既喜好，配搭出心水既火锅酱料，既方便又窝心！———————————————————🔹泰式无骨凤爪打边炉之前，一于点返个小食开开胃先～泰式无骨凤爪材料丰富，味道带点微微酸辣，开胃之余仲好惹味！———————————————————🔹浓汤佛跳墙鸡翅锅令人哗一声既汤底！汤锅用左一个金色铜铁锅盛载，好奢华既感觉，好似食紧宫廷菜咁haha！材料好丰富好滋润，有鲍鱼、花胶、翅、螺片、海参、鸡肉同娃娃
📍地址：尖沙咀柯士甸路20号保发商业大厦地舖
💰价位：～$200 - $400
⏰营业时间：星期一至日17:30 – 22:00
📱电话：2606 2106
呢两日气温突然急降，好冻呀！！怕冻既我梗系要揾返间又高质又有特色之余，汤底亦要好滋补既火锅店暖暖胃！今晚一于同妈妈去「醉胡炉」试下先！
餐厅于柯士甸路地铺，大大间好易揾。餐厅装修时尚，亦设有多间独立箱房，私隐度位高之余，又宁静舒适，可以舒舒服服咁慢慢叹返个边炉夜。
———————————————————
🔹火锅酱料
一坐底店员就送上一个木架有齐各种酱料，如自家制辣椒油、蒜蓉、炸蒜、花生酱、沙嗲酱、葱花、芫茜等，好整齐咁一碗碗放系木架上，我地可以按自己既喜好，配搭出心水既火锅酱料，既方便又窝心！
———————————————————
🔹泰式无骨凤爪
打边炉之前，一于点返个小食开开胃先～
泰式无骨凤爪材料丰富，味道带点微微酸辣，开胃之余仲好惹味！
———————————————————
🔹浓汤佛跳墙鸡翅锅
令人哗一声既汤底！汤锅用左一个金色铜铁锅盛载，好奢华既感觉，好似食紧宫廷菜咁haha！
材料好丰富好滋润，有鲍鱼、花胶、翅、螺片、海参、鸡肉同娃娃菜，再加埋金华火腿粒熬制，提鲜一流～汤底厚身得黎仲好鲜甜添！我同妈妈忍唔住饮左两大碗汤先，实在太正啦，饮完成个人暖笠笠！
———————————————————
🔹手切顶级安格斯肥牛
打边炉就梗系要嗌手切顶级安格斯肥牛！安格斯牛肉霜降均匀分布，手切厚度刚刚好，一入口充满浓郁牛肉味及牛脂油香，必试之选～
———————————————————
🔹招牌手打丸类拼盘
提供5款手打丸，分别有黑松露墨鱼丸、皇帝柱贝墨鱼丸、芝心虾丸、梅菜猪肉丸同手打香茜炸菜牛丸！每一款手打丸都真材实料，够哂爽弹又香～我最钟意黑松露墨鱼丸同埋梅菜猪肉丸！黑松露墨鱼丸食到粒粒墨鱼粒，好有嚼劲，加入黑松露味，特别香浓！梅菜猪肉丸好创新，啖啖梅菜甜味，加埋爽滑既猪肉，估唔到两者可以咁夹！！
———————————————————
🔹特色饺类拼盘
有鲍鱼虾饺王、黑松露蟹肉饺、手工云吞、自家制韮菜饺及香荽豚肉饺，每一款饺子都包到胀卜卜，好足料！特别钟意鲍鱼虾饺王，虾肉超多好爽弹，加埋鲍鱼粒，好有层次感，食一粒已经好饱haha～
———————————————————
🔹蔬菜拼盘
有齐皇帝菜、油麦菜、唐生菜及娃娃菜，紧有一款岩你心水！打边炉最钟意就系娃娃菜，够淋身之余，又可以索埋浓郁既汤底，大满足！！
———————————————————
😋味道：4/5
🏢环境：4/5
💁🏻♀️服务：4/5
💵价钱：4/5
🤟🏻性价比：4/5
———————————————————
👅整体小总结
好耐无试过可以系一个咁舒适宁静既环境，叹返个高质既火锅！重点系佢地既汤底，无论摆盘定食材都令我地超惊喜，好味好滋补之余，打卡亦一流，记得饮返两碗先打边炉呀haha！特别一赞店员亦好贴心，主动协助客人加汤～
张贴
