拉麵天王 (已結業)

我本身好钟意食日本拉面，今晚同个friend去咗一间日本拉面店试一试。其实日本拉面好唔好食最主要都系睇两样嘢，第一就系个汤底基本上一定要用猪骨淆出嚟。第二就系面本身爽唔爽弹唔弹口。呢两样最关键嘅元素呢间拉面店都系水准之上。 今晚我哋试咗佢两款限定时间先至推出嘅拉面，一碗系蕃茄猪骨汤另一款系胡椒猪骨汤。两款拉面汤底都系带少少辣。但系蕃茄汤底有番茄嘅酸味加上少少辣味，配搭出嚟非常之好味。另一款胡椒汤底系加咗磨碎咗嘅芝士，啲芝士溶咗喺猪骨汤度带少少黏性系另一番滋味。另外两碗拉面嘅叉烧都系又淋又入味加上流心蛋真系一咬开蛋黄就流出嚟，令到两碗拉面都非常之好味。另外我哋叫咗个日式饺子小食。饺子煎得非常之 香，另外饺子汁亦都调得非常之好味。宜家日式拉面铺开到通街都系，冇返咁上下水准 好难立足。但呢间绝对系有水准嘅日式拉面舖。