拉麵來 (已搬遷) 新店位置

香港而家好多拉面店，林林总总，总有一间系你左近。好多过江龙拉面店都做得唔错，但我比较钟意试啲唔太出名既细铺，咁先有惊喜架嘛。今日我地试一间未食过既拉面店，叫拉面来，踏入店内只有区区几张枱，陈设装潢古典日式，仲有部弹珠机作为摆设。食拉面最重要系个汤底，𩠌都系其次，要浓而不咸，食完唔会系咁灌水太多味精先叫好。我嗌左个黑蒜油拉面，汤底用既汤头主要系猪骨为主，黑蒜油亦都好香。面条弹牙爽口，10分满分我会俾8分，比起一啲有名拉面店一啲都唔输蚀。