曜謨串燒居酒屋

营业中

休息中

曜谟串烧居酒屋今日嚟咗西环呢一区食饭，当我哋好无头绪食啲咩之际，竟然俾我见到呢一间隐细日式居酒屋，啱晒我同朋友静静哋chill下。餐厅环境唔算太大，但胜在够宁静，可以令到我哋放低烦恼，坐喺呢个咁舒服嘅环境倾偈，而且装修亦都好有日本嘅格调。由于我哋叫咗好多唔同种类嘅嘢，其中有几样食物我都比较难忘，同埋特别推介的。蔬菜条职员附上餐前小菜，配上自家酱汁，食落去非常爽口，令人感觉清新开胃。牛舌心串本人十分钟意食牛舌，冇谂过今次烧得咁好味，外面十分弹牙，而入面好淋同夹口，豚肉芦笋卷薄薄既豚肉包上爽脆的芦笋，感觉好考功夫，因为将豚肉切到咁薄，同新鲜嘅芦笋配搭非常新鲜，可以令到我食到豚肉嘅咸香之余重食到芦笋嘅爽，口感非常丰富。汁烧日本豆腐食嘅时候有少少似日本大阪烧嘅味道，但亦都唔会盖过豆腐嘅香味，每啖都令我好想即刻飞去日本嘅冲动。唐扬日本池鱼仔上菜嘅时候见到啲鱼仔炸到金黄色，即刻胃口大开，每一件鱼仔都炸到好香脆，食落嘅时候啲味道调配得好好，好适合佐酒。