火五越式牛肉粉專門店 (清風街) (已結業)

冇得去旅行，唯有用食嘢去解决我嘅相思之苦，今次就轮到越南野啦！天后平时都有唔少嘢食，清风街俾我揾到间越南Pho。餐牌主要分几类，有Pho、捞檬、小食、越式油香饭，有好多不同嘅选择。火车头汤河汤河上枱之后，店员会放低一杯芽菜、青柠同薄荷叶，呢个真系令我好有越南嘅感觉，喺越南食嘅时候都同样会有一点新鲜嘅芽菜同薄荷俾你放入碗pho 到。河粉上枱，好足料，有和牛牛丸、生熟牛肉、扎肉，河粉都非常之多，男仔食一碗都一定嗌饱。汤底就有浓浓嘅牛肉味，加埋新鲜爽口嘅芽菜，配埋好滑嘅河粉，唔错唔错～火五特式凤爪小食就嗌咗个特式凤爪，同泰国嘅无骨凤爪有啲似，酸酸辣辣，每只仲大大只添，足料又够晒惹味。咸柠檬青柠梳打食完酸酸辣辣嘅嘢，呢杯野饮就够晒解渴，饮落好爽，佢虽然系有两款柠，但系唔会非常酸，几好饮，唔错。