有運燒味飯店 (已搬遷) 新店位置

男友向鲗鱼涌返工一段日子，忙里偷闲放工揾下佢食lunch 睇下有咩好介绍。为食性格大过港女格，越平价越平民就最岩心水。最重要都系味道😌一齐叫左乳猪烧肉双拼饭（$55）跟餐既例汤太淡，不过都系送既，就算啦。碟头饭一上台，香味四溢！🤤乳猪皮香脆，唔会过份油腻，一口咬下落，脆皮声声入耳，肉质口感好好，腌得唔会死咸！份量都好足够，而且每旧都有肉，唔会只得乳猪皮。相反比较下，烧肉有啲过咸，不过肥瘦适中，不错。不过烧肉皮仍然系厚薄适中，唔会太硬。白饭底就不算热，而且比较湿。环境就不作批评，因为港式烧味档，地方本身就不大，午膳时间人来人往，搭台在所难免的，反正食物质素是最重点的！