佳寧娜潮州菜

营业中

休息中

传统老牌潮州酒楼，少数仍然做出真正潮菜味道嘅地方，功夫茶一入口就知正野，平时夜晚饮茶会瞓唔著，呢个茶饮咗更好瞓，看似有d神奇咁，但试过好多次，绝非巧合，卤水香醇不呛喉，鹅肉个人觉得稍老，可以改善，但亦有人称之为有口蚝仔鲜甜，所以蚝烙，蚝仔粥都美味，留意蚝烙系煎嘅，内里juicy,外皮金黄香口，但唔算好油好热气，一般配鱼露，我个人自小食法会加配桔油，佳宁娜系少数有桔油提供嘅地方，近几年试过去一d新开卖潮菜嘅食店，问攞桔油，对方先迷惘，我再广东话潮州话分别讲一次，对方扮明，之后比碟辣油比我，所以有时去佳宁娜就系为咗碟桔油，推介炒䲝鱼片，今次食榄菜炒，鱼片大大件相当肥美，榄菜马蹄惹味，之前食过头抽煎的同样不错，装修后加了价，但份量味道保持水准，cp 价仍然高。